ಜನಜಾಗೃತಿ ವಾಯ್ಸ್ :ಚಳಿಗಾಲದಲ್ಲಿ ಮೊಸರು ತಿನ್ನಬೇಕೋ ಬೇಡವೋ? ಏನೆಲ್ಲಾ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಬೇಕು?
ಚಳಿಗಾಲದ ಸಂದರ್ಭದಲ್ಲಿ ಮೊಸರು ಸೇವನೆ ಮಾಡಬಾರದು ಎನ್ನುತ್ತಾರೆ, ಅದರಲ್ಲೂ ರೆಫ್ರಿಜರೇಟರ್ ನಲ್ಲಿ ಇರುವ ಮೊಸರು ಈ ಸಮಯದಲ್ಲಿ ತಿನ್ನಲೇಬಾರದು.
ಚಳಿಗಾಲದ ಸಂದರ್ಭದಲ್ಲಿ ಮೊಸರು ತಿನ್ನಬಹುದಾ
ಚಳಿಗಾಲದಲ್ಲಿ ಮೊಸರು ಸೇವಿಸುವುದು ಆರೋಗ್ಯಕ್ಕೆ ಪ್ರಯೋಜನಕಾರಿ ಎಂದು ಹೇಳಲಾಗಿದ್ದರೂ, ಚಳಿಗಾಲದಲ್ಲಿ ಮೊಸರು ತಿನ್ನಬಾರದು ಎಂದು ಹಿರಿಯರು ಮನೆಯಲ್ಲಿ ಹೇಳಿರುವ ಮಾತುಗಳು ಕೂಡ ನೆನಪಿಗೆ ಬರುತ್ತದೆ.
ಸಾಮಾನ್ಯವಾಗಿ ಮೊಸರು ಪ್ರೋಬಯೋಟಿಕ್ ಆಹಾರ ಪದಾರ್ಥ ವಾಗಿರುವ ಹೊಟ್ಟೆಯ ಸಮಸ್ಯೆಗಳಿಗೆ ಅದರಲ್ಲೂ ಜೀರ್ಣಾಂಗ ವ್ಯವಸ್ಥೆಯ ಜೊತೆಗೆ ಕರುಳಿಗೆ ಸಹಕಾರಿಯಾದ ಒಳ್ಳೆಯ ಬ್ಯಾಕ್ಟೀರಿಯಾಗಳು ಮೊಸರಿನಲ್ಲಿ ಅಡಗಿದೆ.
ಆದರೆ ಇಷ್ಟೆಲ್ಲಾ ಪ್ರಯೋಜನಗಳನ್ನು ಒಳಗೊಂಡಿರುವ ಮೊಸರನ್ನು ಚಳಿಗಾಲದಲ್ಲಿ ಸೇವನೆ ಮಾಡುವುದು ಸರಿಯಲ್ಲ ಬೇಡ ಎಂದು ಸಲಹೆ ನೀಡುತ್ತಾರೆ.ಆದರೆ ನಮ್ಮ ಇಂದಿನ ಲೇಖನದಲ್ಲಿ ಮೊಸರಿನ ಬಗ್ಗೆ ಇತರರು ಏನು ಹೇಳುತ್ತಾರೆಂದು ಅಲ್ಲ,
ಆದರೆ ಚಳಿಗಾಲದಲ್ಲಿ ಮೊಸರು ಸೇವಿಸುವ ಬಗ್ಗೆ ಆಹಾರ ತಜ್ಞರು ಹೇಳುವ ಪ್ರಕಾರ ಸಾಮಾನ್ಯ ತಾಪಮಾನದಲ್ಲಿ ಮೊಸರನ್ನು ಚಳಿಗಾಲದಲ್ಲಿಯೂ ಸಹ ಸೇವಿಸ ಬಹುದಂತೆ! ಹಾಗಾದ್ರೆ ಹೇಗೆ ಎನ್ನುವುದನ್ನು ಇಂದಿನ ಲೇಖನದಲ್ಲಿ ನೋಡೋಣ
ಸಂಜೆ 5 ಗಂಟೆಯ ನಂತರ ಮೊಸರು ತಿನ್ನಬೇಡಿ
ಯಾರು ಉಸಿರಾಟದ ಸಮಸ್ಯೆ ಅಥವಾ ಅಸ್ತಮ ಸಮಸ್ಯೆಯಿಂದ ಬಳಲುತ್ತಿದ್ದಾರೋ ಅಂತಹವರು ಸಂಜೆ 5 ಗಂಟೆಯ ನಂತರ ಮೊಸರು ಸೇವನೆ ಮಾಡಬೇಡಿ.
ಮೊಸರನ್ನು ಚಳಿಗಾಲದಲ್ಲಿ ಹೀಗೆ ಸೇವನೆ ಮಾಡಿ
ಒಣ ಶುಂಠಿ ಪುಡಿ, ಜೀರಿಗೆ ಪುಡಿ ಮತ್ತು ಸ್ವಲ್ಪ ಉಪ್ಪು ಸೇರಿಸಿ ಮೊಸರು ತಿನ್ನುವುದರಿಂದ ಚಳಿಗಾಲದಲ್ಲಿ ಕಾಡುವ ಶೀತದ ಸಮಸ್ಯೆ ದೂರವಾಗುತ್ತದೆ.
ಚಳಿಗಾಲದಲ್ಲಿ ಫ್ರಿಡ್ಜ್ ನಲ್ಲಿಟ್ಟಿರುವ ಮೊಸರು ತಿನ್ನಬಾರದು
ಚಳಿಗಾಲದಲ್ಲಿ ಜನರು ಪ್ರತಿದಿನ 200 ರಿಂದ 250 ಗ್ರಾಂ ಮೊಸರು ಸೇವಿಸಬೇಕು ಆದರೆ ಮೊಸರು ಕೋಣೆಯ ಉಷ್ಣಾಂಶದಲ್ಲಿರಬೇಕು ಮತ್ತು ಎಂದಿಗೂ ಫ್ರಿಡ್ಜ್ ನಲ್ಲಿಟ್ಟು ತಿನ್ನಬಾರದು
ಸಂಜೆಯ ಸಮಯದಲ್ಲಿ ಮೊಸರು ತಿನ್ನಬಾರದು
ಚಳಿಗಾಲದ ಸಮಯದಲ್ಲಿ ಮೊಸರನ್ನು ಸಂಜೆಯ ಸಮಯದಲ್ಲಿ ತಿನ್ನಬಾರದು ಹಾಗೂ ಮೊಸರು ತಿಂದ ನಂತರ ಸ್ವಲ್ಪ ಸಮಯದವರೆಗೆ ನೀರು ಕುಡಿಯಬಾರದು.
ಊಟಕ್ಕೆ ಮೊದಲು ಮೊಸರು ಸೇವಿಸಿ
ಚಳಿಗಾಲದಲ್ಲಿ ಊಟಕ್ಕೆ 1 ರಿಂದ 2 ಗಂಟೆಗಳ ಮೊದಲು ಮೊಸರು ಸೇವಿಸಿ. ಮಿತವಾಗಿ ಸೇವಿಸಿ ಮತ್ತು ಕಡಿಮೆ ಕೊಬ್ಬಿನಾಂಶ ಮೊಸರನ್ನು ಸೇವನೆ ಮಾಡಿ
ತಾಜಾ ಮೊಸರನ್ನು ಮಾತ್ರ ಸೇವಿಸಿ
ಚಳಿಗಾಲದಲ್ಲಿ ಮೊಸರು ಸೇವಿಸಲು ಬಯಸಿದರೆ, ಕನಿಷ್ಠ 3-4 ಗಂಟೆಗಳ ಕಾಲ ಫ್ರೀಜ್ ಮಾಡಿದ ತಾಜಾ ಮೊಸರನ್ನು ಮಾತ್ರ ಸೇವಿಸಿ.
ಸಕ್ಕರೆ ಸೇರಿಸಬೇಡಿ
ಚಳಿಗಾಲದಲ್ಲಿ ಮೊಸರಿಗೆ ಸಕ್ಕರೆ ಸೇರಿಸಬೇಡಿ. ಸೋರೆಕಾಯಿ, ಅಥವಾ ಇತರ ಯಾವುದೇ ತರಕಾರಿಗಳನ್ನು ಮೊಸರಿನೊಂದಿಗೆ ಬೆರೆಸಿ ಸೇವಿಸುವುದರಿಂದ ಜೀರ್ಣಕ್ರಿಯೆ ಸುಧಾರಿಸುತ್ತದೆ.