ಜನಜಾಗೃತಿ ವಾಯ್ಸ್ : ದಿನ ಕಳೆದಂತೆ ಕರ್ನಾಟಕ ರಾಜಧಾನಿ ಬೆಂಗಳೂರು ಆದಂತೆ ಆಗುತ್ತಿರುವ ಸಾಂಸ್ಕೃತಿಕ ರಾಜಧಾನಿ ಮೈಸೂರು, ಸಂಚಾರ ದಟ್ಟಣೆ ಕಿರಿಕಿರಿಯನ್ನು ಅನುಭವಿಸುತ್ತಿದೆ,
ನಗರವು ಬೆಳೆದಂತೆ ಟ್ರಾಫಿಕ್‌ ಕಿರಿಕಿರಿ ಹೆಚ್ಚುತ್ತಿದ್ದು, ಇದಕ್ಕೆ ಪರಿಹಾರ ಮಾರ್ಗಗಳನ್ನು ಕಂಡುಕೊಳ್ಳಲಾಗುತ್ತಿದೆ,ಇದರ ಭಾಗವಾಗಿ ಮೈಸೂರಿನಲ್ಲಿ ಶೀಘ್ರದಲ್ಲೇ ಮತ್ತೊಂದು ಫ್ಲೈಓವರ್‌ ತಲೆಯೆತ್ತಲಿದೆ.
ಮೈಸೂರು-ನಂಜನಗೂಡು ರಾಷ್ಟ್ರೀಯ ಹೆದ್ದಾರಿ ಬಳಿಯ ಎಪಿಎಂಸಿ ಗೇಟ್-1ರಿಂದ ರಿಂಗ್‌ ರಸ್ತೆ ಜಂಕ್ಷನ್ ದಾಟಿ ಎಪಿಎಂಸಿ 2ನೇ ಗೇಟ್‌ವರೆಗೆ, ಸುಮಾರು 22 ಕೋಟಿ ರೂ, ವೆಚ್ಚದಲ್ಲಿ ಫ್ಲೈಓವರ್‌ ನಿರ್ಮಾಣ ಕಾಮಗಾರಿ ನಡೆಯಲಿದೆ.
ಮೈಸೂರು: ಶೀಘ್ರದಲ್ಲೇ ಮೈಸೂರು ನಗರದಲ್ಲಿ ಮತ್ತೊಂದು ಫ್ಲೈಓವರ್‌ ತಲೆ ಎತ್ತಲಿದೆ. ಮೈಸೂರು-ನಂಜನಗೂಡು ನಡುವಿನ ರಾಷ್ಟ್ರೀಯ ಹೆದ್ದಾರಿ 766ರಲ್ಲಿ ಜೆ.ಪಿ.ನಗರ ಟಿ ಜಂಕ್ಷನ್ ಹಾಗೂ ಎಪಿಎಂಸಿ ಗೇಟ್ ಬಳಿ ಎರಡು ವೇಹಿಕಲ್‌ ಅಂಡರ್ ಪಾಸ್‌ ನಿರ್ಮಿಸಲಾಗುತ್ತಿದೆ. ಇದರ ಮುಂದುವರಿದ ಭಾಗವಾಗಿ ಎಪಿಎಂಸಿ ಗೇಟ್-1ರಿಂದ ರಿಂಗ್‌ ರಸ್ತೆ ಜಂಕ್ಷನ್ ದಾಟಿ ಎಪಿಎಂಸಿ 2ನೇ ಗೇಟ್‌ವರೆಗೆ 22 ಕೋಟಿ ರೂ. ವೆಚ್ಚದಲ್ಲಿ ಫ್ಲೈಓವರ್‌ ನಿರ್ಮಿಸಲಾಗುತ್ತಿದೆ.
ಪೊಲೀಸ್‌ ಇಲಾಖೆಯು ಎನ್‌ಎಚ್‌-766ನಲ್ಲಿಆಗಾಗ ಅಪಘಾತಗಳು ಸಂಭವಿಸಿ, ಮೃತ್ಯು ಕೂಪವಾಗಿ ಪರಿಣಮಿಸಿದ್ದ ಒಟ್ಟು 8 ಬ್ಲಾಕ್‌ ಸ್ಪಾಟ್‌ಗಳನ್ನು ಗುರುತಿಸಿ ಅದನ್ನು ಸರಿಪಡಿಸಲು ಅಂಡರ್ ಪಾಸ್‌ ನಿರ್ಮಿಸಲು ವರದಿ ನೀಡಿತ್ತು. ಅದರಲ್ಲಿ ನಾಲ್ಕು ಕಡೆಗಳಲ್ಲಿ ಕೆಲಸ ಆರಂಭವಾಗಿ ಶೇ. 30ರಷ್ಟು ಕಾಮಗಾರಿ ಪೂರ್ಣವಾಗಿದೆ. ಮೈಸೂರಿನ ಆಯ್ದ ಕಡೆಗಳಲ್ಲಿ ಫ್ಲೈಓವರ್‌ ನಿರ್ಮಾಣ ಕಾಮಗಾರಿ ನಡೆಯುತ್ತಿದೆ.
ಅದರಲ್ಲಿ ಮೈಸೂರಿನಿಂದ ನಂಜನಗೂಡು ಕಡೆಗೆ ಸಾಗುವ ರಸ್ತೆಯಲ್ಲಿಉತ್ತನಹಳ್ಳಿಗೆ ತೆರಳುವ ಟೋಲ್‌ಗೇಟ್ ಬಳಿ ಹಾಗೂ ನಂತರ ಸಿಗುವ ಎಪಿಎಂಸಿ ಮೊದಲ ಗೇಟ್ ಬಳಿಯ(ಜೆಪಿ ನಗರ ಜಂಕ್ಷನ್) ಟಿ-ಜಂಕ್ಷನ್‌ನಲ್ಲಿಒಟ್ಟು 20.42 ಕೋಟಿ ರೂ. ವೆಚ್ಚದಲ್ಲಿ ಕೈಗೆತ್ತಿಕೊಂಡಿರುವ ಅಂಡರ್ ಪಾಸ್‌ ನಿರ್ಮಾಣ ಕಾಮಗಾರಿಯೂ ಒಂದಾಗಿದೆ.
ಫ್ಲೈಓವರ್‌ಗೆ 22 ಕೋಟಿ ರೂ.ಅನುದಾನ :
ಹಾಲಿ ನಡೆಯುತ್ತಿರುವ ಈ ಕಾಮಗಾರಿಯು ರಿಂಗ್‌ ರಸ್ತೆ ಜಂಕ್ಷನ್ ಬಳಿ ಕೊನೆಗೊಳ್ಳುತ್ತದೆ,ಹೀಗೆ ಮಾಡಿದರೆ ಮೈಸೂರು ಕಡೆಯಿಂದ ನಂಜನಗೂಡು ಕಡೆಗೆ ಹೋಗುವ ವಾಹನಗಳಿಗೆ ಮತ್ತೊಮ್ಮೆ ಟ್ರಾಧಿಫಿಕ್‌ ಸಿಗ್ನಲ್‌ನಲ್ಲಿ ನಿಲುಗಡೆ ಮಾಡಬೇಕಾಗುತ್ತದೆ,ಇದರಿಂದ ಸಂಚಾರ ದಟ್ಟಣೆಯಾಗುತ್ತದೆ.
ಅಂಡರ್‌ಪಾಸ್‌ ನಿರ್ಮಿಸಿದ ಉದ್ದೇಶವೂ ಈಡೇರುವುದಿಲ್ಲ, ಹಾಗಾಗಿ ಎಪಿಎಂಸಿ ಗೇಟ್-1ರಿಂದ ರಿಂಗ್‌ ರಸ್ತೆ ಜಂಕ್ಷನ್ ದಾಟಿ ಎಪಿಎಂಸಿ 2ನೇ ಗೇಟ್‌ವರೆಗೆ ಫ್ಲೈ ಓವರ್‌ ನಿರ್ಮಿಸುವಂತೆ ಕಾಮಗಾರಿ ವೀಕ್ಷಿಸಿದ ಸಂಸದ ಯದುವೀರ್‌ ಕೃಷ್ಣದತ್ತ ಚಾಮರಾಜ ಒಡೆಯರ್‌ ಸಲಹೆ ನೀಡಿದ್ದರು, ಹಾಗಾಗಿ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ ಹೆಚ್ಚುವರಿಯಾಗಿ 22 ಕೋಟಿ ರೂ. ಯೋಜನೆಯ ಅಂದಾಜುಪಟ್ಟಿಗೆ ಅನುಮೋದನೆ ದೊರೆತಿದ್ದು, ಶೀಘ್ರವೇ ಕೆಲಸ ಆರಂಭವಾಗಲಿದೆ.
2024ರಲ್ಲಿ ನಂಜನಗೂಡು ರೈಲ್ವೆ ಫ್ಲೈಓವರ್‌ ಸಂಚಾರಕ್ಕೆ ಮುಕ್ತ ಆಗಿತ್ತು,ಈ ಫ್ಲೈಓವರ್‌ ದಕ್ಷಿಣದ ಕಾಶಿ ಎಂದೇ ಕರೆಯಲ್ಪಡುವ ನಂಜನಗೂಡಿಗೆ ಬರುವ ಅಪಾರ ಸಂಖ್ಯೆಯ ಭಕ್ತರಿಗೆ ಭಾರೀ ಅನುಕೂಲ ಕಲ್ಪಿಸಿದೆ,ಅಲ್ಲದೇ ಪ್ರವಾಸಿಗರು, ಅಂತಾರಾಜ್ಯ ಪ್ರಯಾಣಿಕರು ಹಾಗೂ ಸ್ಥಳೀಯರ ದಶಕದ ಬೇಡಿಕೆ ಕೂಡ ಈಡೇರಿದೆ.
ಈ ರೈಲ್ವೆ ಫ್ಲೈಓವರ್‌ ಮೂಲಕ ಪ್ರಯಾಣಿಕರು ಮೂಲಕ ನಾನಾ ಪ್ರೇಕ್ಷಣೀಯ ಸ್ಥಳಗಳಿಗೆ ಭೇಟಿ ನೀಡಬಹುದಾಗಿದ್ದು, ತಮಿಳುನಾಡು ಸೇರಿದಂತೆ ಅಂತಾರಾಜ್ಯಕ್ಕೆ ತೆರಳುವವರಿಗೆ ಭಾರೀ ಅನುಕೂಲ ಕಲ್ಪಿಸಿದೆ. ನಂಜನಗೂಡು ರೈಲ್ವೆ ಫ್ಲೈಓವರ್‌ನಿಂದಾಗಿ ಮೈಸೂರು-ಚಾಮರಾಜನಗರ ರೈಲು ಸಂಚಾರದಿಂದಾಗಿ ನಂಜನಗೂಡಿನ ಸುಜಾತಪುರಂ ರೈಲ್ವೇ ಗೇಟ್ ಬಳಿ ಆಗುತ್ತಿದ್ದ ಟ್ರಾಫಿಕ್‌ ಕಿರಿಕಿರಿ ತಪ್ಪಿಸಿದಂತಾಗಿದೆ.
