ಜನಜಾಗೃತಿ ವಾಯ್ಸ್ : ಬೆಂಗಳೂರು-ಮಾಗಡಿ ರಸ್ತೆಯ ಕರಾಳ ಮುಖ; ದಂದೆಕೋರರ ಅಡ್ಡೆಯಾಗುತ್ತಿದೆಯೇ ಪ್ರಮುಖ ಹೆದ್ದಾರಿ?

ಜನಜಾಗೃತಿ ವಾಯ್ಸ್ : ಬೆಳೆಯುತ್ತಿರುವ ಕೈಗಾರಿಕಾ ವಲಯದ ಮೇಲೊಗತ್ತಿನ ನೆರಳು: ಮಾಗಡಿ ರಸ್ತೆಯ ಸುತ್ತಮುತ್ತಲಿನ ರಿಯಲ್ ಎಸ್ಟೇಟ್ ಮತ್ತು ಕೈಗಾರಿಕಾ ಬೆಳವಣಿಗೆಯನ್ನೇ ಬಂಡವಾಳ ಮಾಡಿಕೊಂಡಿರುವ ಮಾಫಿಯಾ ಜಾಲ.!

ಭೂ ಮಾಫಿಯಾ ಮತ್ತು ನಕಲಿ ದಾಖಲೆ ಸೃಷ್ಟಿ: ಅಮಾಯಕರು ಮತ್ತು ರೈತರ ಜಮೀನುಗಳನ್ನು ಗುರಿ ಮಾಡಿಕೊಂಡು ನಡೆಯುತ್ತಿರುವ ದಂದೆ; ನಕಲಿ ದಾಖಲೆ (Fake Documents) ಸೃಷ್ಟಿಸಿ ಸೈಟುಗಳ ಮಾರಾಟ.

ಕಾನೂನುಬಾಹಿರ ಮರಳು ಮತ್ತು ಕಲ್ಲು ಗಣಿಗಾರಿಕೆ ಸಾಗಣೆ: ರಾತ್ರಿ ವೇಳೆಯಲ್ಲಿ ಮಾಗಡಿ ಮತ್ತು ಸುತ್ತಮುತ್ತಲಿನ ಗ್ರಾಮಾಂತರ ಪ್ರದೇಶಗಳಿಂದ ಬೆಂಗಳೂರಿಗೆ ಅಕ್ರಮವಾಗಿ ಸಾಗಣೆಯಾಗುತ್ತಿರುವ ಮರಳು ಮತ್ತು ಕಲ್ಲುಗಳು.

ರೌಡಿಸಂ ಮತ್ತು ಹಫ್ತಾ ವಸೂಲಿ: ರಸ್ತೆ ಬದಿಯ ಸಣ್ಣ ವ್ಯಾಪಾರಿಗಳು, ಕಟ್ಟಡ ನಿರ್ಮಾಪಕರು ಹಾಗೂ ಗ್ಯಾರೇಜ್ ಮಾಲೀಕರನ್ನು ಹೆದರಿಸಿ ಹಣ ವಸೂಲಿ ಮಾಡುತ್ತಿರುವ ಸ್ಥಳೀಯ ಪುಂಡರ ಗ್ಯಾಂಗ್‌ಗಳು.

ಮಾದಕ ವಸ್ತು ಹಾಗೂ ಅಕ್ರಮ ಮದ್ಯದ ಜಾಲ: ನಿರ್ಜನ ಪ್ರದೇಶಗಳು ಹಾಗೂ ಲೇಔಟ್‌ಗಳನ್ನು ಕೇಂದ್ರೀಕರಿಸಿಕೊಂಡು ನಡೆಯುತ್ತಿರುವ ಡ್ರಗ್ಸ್ ಪೆಡ್ಲಿಂಗ್ ಮತ್ತು ತಡರಾತ್ರಿಯವರೆಗಿನ ಅಕ್ರಮ ಮದ್ಯ ಮಾರಾಟ.

ಸಾರ್ವಜನಿಕರ ಅಳಲು: ಹೆಚ್ಚುತ್ತಿರುವ ಅಪರಾಧ ಚಟುವಟಿಕೆಗಳಿಂದಾಗಿ ರಾತ್ರಿ ವೇಳೆ ಸಂಚರಿಸಲು ಸ್ಥಳೀಯ ನಿವಾಸಿಗಳು ಮತ್ತು ವಾಹನ ಸವಾರರಲ್ಲಿ ಆತಂಕ.

ಜನಜಾಗೃತಿ ವಾಯ್ಸ್ ಮಾಗಡಿ ರಸ್ತೆ ಬೆಂಗಳೂರು: ಸಿಲಿಕಾನ್ ಸಿಟಿಯ ಪ್ರಮುಖ ಸಂಪರ್ಕ ರಸ್ತೆಗಳಲ್ಲೊಂದಾದ ಬೆಂಗಳೂರು-ಮಾಗಡಿ ರಸ್ತೆ ಈಗ ಕೇವಲ ವಾಹನ ಸಂಚಾರಕ್ಕಷ್ಟೇ ಅಲ್ಲದೆ, ತೆರೆಮರೆಯ ಕರಾಳ ದಂದೆಗಳಿಗೂ ಹೆದ್ದಾರಿಯಾಗುತ್ತಿದೆಯೇ ಎಂಬ ಅನುಮಾನ ಸಾರ್ವಜನಿಕರಲ್ಲಿ ದಟ್ಟವಾಗಿದೆ. ಇತ್ತೀಚಿನ ದಿನಗಳಲ್ಲಿ ಈ ಭಾಗದಲ್ಲಿ ರಿಯಲ್ ಎಸ್ಟೇಟ್ ಮತ್ತು ಕೈಗಾರಿಕಾ ವಲಯಗಳು ವೇಗವಾಗಿ ಬೆಳೆಯುತ್ತಿರುವುದನ್ನೇ ಬಂಡವಾಳ ಮಾಡಿಕೊಂಡಿರುವ ಕೆಲವು ಮಾಫಿಯಾ ಜಾಲಗಳು ಇಲ್ಲಿ ಸಕ್ರಿಯವಾಗಿವೆ.

ಭೂ ಮಾಫಿಯಾದ ಜಾಲ:

ಮಾಗಡಿ ರಸ್ತೆಯ ಸುತ್ತಮುತ್ತಲಿನ ಹಳ್ಳಿಗಳು ಮತ್ತು ಹೊಸದಾಗಿ ತಲೆಯೆತ್ತುತ್ತಿರುವ ಲೇಔಟ್‌ಗಳಲ್ಲಿ ಭೂ ಮಾಫಿಯಾ ಅಟ್ಟಹಾಸ ಜೋರಾಗಿದೆ. ಅಮಾಯಕರ ಜಾಗಗಳನ್ನು ಒತ್ತುವರಿ ಮಾಡಿಕೊಳ್ಳುವುದು, ನಕಲಿ ದಾಖಲೆಗಳನ್ನು ಸೃಷ್ಟಿಸಿ ಒಂದೇ ಸೈಟನ್ನು ಹಲವರಿಗೆ ಮಾರಿ ವಂಚಿಸುವ ಜಾಲಗಳು ರಾಜಾರೋಷವಾಗಿ ಕಾರ್ಯಾಚರಣೆ ನಡೆಸುತ್ತಿವೆ.

ರಾತ್ರಿ ಹೊತ್ತಿನ ಅಕ್ರಮ ಸಾಗಣೆ:

ಮಾಗಡಿ ಗ್ರಾಮಾಂತರ ಪ್ರದೇಶಗಳಿಂದ ಬೆಂಗಳೂರು ನಗರಕ್ಕೆ ಸಂಪರ್ಕ ಕಲ್ಪಿಸುವ ಈ ರಸ್ತೆಯಲ್ಲಿ ತಡರಾತ್ರಿ ಹಾಗೂ ಮುಂಜಾನೆ ವೇಳೆ ಅಕ್ರಮ ಮರಳು ಮತ್ತು ಕಲ್ಲು ಸಾಗಣೆ ಎಗ್ಗಿಲ್ಲದೆ ನಡೆಯುತ್ತಿದೆ. ನಿಯಮಗಳನ್ನು ಗಾಳಿಗೆ ತೂರಿ, ಯಾವುದೇ ಪರವಾನಗಿ ಇಲ್ಲದೆ ಸಾಗಿಸುವ ಇಂತಹ ವಾಹನಗಳಿಂದಾಗಿ ರಸ್ತೆಗಳು ಹಾಳಾಗುತ್ತಿರುವುದಲ್ಲದೆ, ಅಪಘಾತಗಳ ಸಂಖ್ಯೆಯೂ ಹೆಚ್ಚುತ್ತಿದೆ.

ವ್ಯಾಪಾರಿಗಳಿಗೆ ಹಫ್ತಾ ಕಾಟ:

ರಸ್ತೆ ಬದಿಯ ಸಣ್ಣಪುಟ್ಟ ಅಂಗಡಿ ಮುಂಗಟ್ಟುಗಳಿಂದ ಹಿಡಿದು ದೊಡ್ಡ ಉದ್ಯಮಿಗಳವರೆಗೆ ಸ್ಥಳೀಯ ರೌಡಿ ಮೂರ್ಖರ ಹಫ್ತಾ ವಸೂಲಿ ದಂದೆ ಅವಿರತವಾಗಿ ಸಾಗಿದೆ ಎನ್ನಲಾಗುತ್ತಿದೆ. ಹಣ ನೀಡದಿದ್ದರೆ ದೌರ್ಜನ್ಯ ನಡೆಸುವುದು, ಜೀವ ಬೆದರಿಕೆ ಹಾಕುವ ಘಟನೆಗಳು ಬೆಳಕಿಗೆ ಬರುತ್ತಿವೆ. ಇದರೊಂದಿಗೆ ನಿರ್ಜನ ಪ್ರದೇಶಗಳಲ್ಲಿ ಮಾದಕ ವಸ್ತುಗಳ (Drugs) ಮಾರಾಟದ ಜಾಲವೂ ಯುವ ಪೀಳಿಗೆಯನ್ನು ಬಲಿ ತೆಗೆದುಕೊಳ್ಳುತ್ತಿದೆ.

ಪೊಲೀಸ್ ಇಲಾಖೆಯ ಗಮನಕ್ಕೆ:

ಮಾಗಡಿ ರಸ್ತೆ ಪೊಲೀಸ್ ಠಾಣೆ

ಕಾಮಾಕ್ಷಿಪಾಳ್ಯ ಪೋಲಿಸ್ ಠಾಣೆ

ಬ್ಯಾಡರಹಳ್ಳಿ ಪೋಲಿಸ್ ಠಾಣೆ 

ತಾವರೆಕೆರೆ ಪೊಲೀಸ್ ಠಾಣೆ

ಮಾಗಡಿ ಪೊಲೀಸ್ ಠಾಣೆ

ಈ ಭಾಗದಲ್ಲಿ ಗಸ್ತು ತಿರುಗುವಿಕೆಯನ್ನು (Night Patrolling) ಮತ್ತಷ್ಟು ಚುರುಕುಗೊಳಿಸಬೇಕಿದೆ ಹಾಗೂ ಸಿಸಿಟಿವಿ ಕ್ಯಾಮೆರಾಗಳ ಕಣ್ಗಾವಲು ಹೆಚ್ಚಿಸಬೇಕಿದೆ ಎಂದು ಸ್ಥಳೀಯ ನಿವಾಸಿಗಳು ಆಗ್ರಹಿಸಿದ್ದಾರೆ. ಈ ಕುರಿತು ಉನ್ನತ ಪೊಲೀಸ್ ಅಧಿಕಾರಿಗಳು ವಿಶೇಷ ಗಮನ ಹರಿಸಿ, ಮಾಗಡಿ ರಸ್ತೆಯನ್ನು ದಂದೆಕೋರರ ಮುಷ್ಟಿಯಿಂದ ಮುಕ್ತಗೊಳಿಸಬೇಕಿದೆ.

ವರದಿ : ಮನೋಹರ್ ರಾಮಯ್ಯ _ ಸಂಪಾದಕರು